Шри-Ланка: Наразы жұрт райынан қайтар емес

Шри-Ланкадағы наразы халық саясаткерлер ресми түрде қызметінен кеткенше президент пен премьер-министрдің резиденцияларын босатпайтынын айтты.

Мыңдаған наразылық білдірушілер президент Готабай Раджапакстың үйі мен кеңсесіне және премьер-министрдің ресми резиденциясына басып кірді. Парламент спикерінің айтуынша, Раджапакс 13 шілдеде отставкаға кетеді, премьер-министр Ранил Викремесингхе де отставкаға кететінін мәлімдеді.

– Президент отставкаға кетуі керек, премьер-министр отставкаға кетуі керек, – деді белсенділердің бірі Руванти де Чикера.

Оның айтуынша, егер үкімет ресми түрде отставкаға кетпесе, наразылық білдірушілер резиденциядан кетпейді. Шри-Ланкадағы наразылықтар сәуір айынды басталды. Оның негізгі себебі - қаржы-экономикалық дағдарыс.