ШҚО-да балабақша есепшісі мен меңгеруші 42 млн теңгеден астам қаржыны жымқырған

Шығыс Қазақстан облысы прокуратурасы бюджет қаражатын жымқыру фактісін анықтады, деп хабарлайды Orda.kz.

Ведомство мәліметінше, Үлкен Нарын ауданы прокуратурасы «Кіші Нарын ауылының балабақша-бөбекжайы» коммуналдық мемлекеттік қазыналық кәсіпорнында тексеру жүргізген.

Тексеру барысында балабақша бухгалтері үш жыл бойы өзінің және мекеме меңгерушісінің есепшотына артық жалақы аударып келгені белгілі болды. Сонымен қатар салықтар мен міндетті аударымдарға арналған қаражат та заңсыз пайдаланылған.

Прокуратураның мәліметінше, осы уақыт ішінде балабақшаның 18 қызметкері үшін жеке табыс салығы, міндетті зейнетақы жарналары мен әлеуметтік аударымдар төленбеген.

Меңгеруші мен есепшінің шоттарына заңсыз аударылған қаржының жалпы көлемі 42 млн теңгеден асқан. Аталған дерек бойынша аудандық прокуратура сотқа дейінгі тергеп-тексеру амалдарын бастады. Тергеу мүддесіне байланысты өзге ақпарат жария етілмейді.

Оқи отырыңыз:

• Қызылорда облысына жаңа әкім тағайындалды
• Парламент вице-президенттің өкілеттігін түсіндірді