Қызылорда облысына жаңа әкім тағайындалды

Мемлекет басшысының Жарлығымен Мұрат Нәлқожаұлы Ергешбаев Қызылорда облысының әкімі лауазымына тағайындалды, деп хабарлайды Orda.kz.       

Мемлекет басшысының Жарлығымен Қызылорда облысының бұрынғы әкімі Нұрлыбек Мәшбекұлы Нәлібаев Қазақстан Республикасы премьер-министрінің бірінші орынбасары болып тағайындалды, ол бұрынғы атқарған лауазымынан босатылған болатын.

Қасым-Жомарт Тоқаев Нұрлыбек Нәлібаевты Қазақстан премьер-министрінің бірінші орынбасары қызметіне тағайындады, деп хабарлады Ақорданың баспасөз қызметі. Осыған байланысты ол Қызылорда облысының әкімі қызметінен босатылды.

Нұрлыбек Нәлібаев 49 жаста. Ол Қызылорда облысында дүниеге келген. Қазақ мемлекеттік аграрлық университетін және Қазақ гуманитарлық заң университетін бітірген. Сондай-ақ РФ президенті жанындағы Ресей халық шаруашылығы және мемлекеттік қызмет академиясының докторантурасында оқиды.

Мансабын мұнай саласында бастады. 90-шы жылдардың соңында «Қазақойл-коммерция» компаниясында мұнай және мұнай өндіру бойынша сарапшы болып жұмыс істеді. Кейіннен коммерциялық құрылымдарда басшылық лауазымдарда болды.

Парламентке сайланғанға дейін Мұрат Ергешбаев көп жылдар бойы мемлекеттік басқару жүйесінде қызмет етіп, Қызылорда облысында түрлі лауазымдарды атқарды.

Мұрат Ергешбаев Сыр өңірінің тумасы, әр жылдары Қызылорда облысының бірқатар аудандарын басқарған. 2008-2010 жылдары Қызылорда қаласының әкімі қызметін атқарған.

Білімі бойынша - экономист. Ол сексенінші жылдардың соңында совхоз экономисі болып жұмыс істеген. Кейіннен банк саласына жұмысқа орналасып, Қызылорда облыстық Alem Bank Kazakhstan басқармасы бастығының орынбасары, облыс әкімі орынбасарының кеңесшісі және «Халық банкі» облыстық филиалының директоры болды.

Ергешбаев әр жылдары Қызылорда облысының әкімі, Қармақшы, Шиелі, Қазалы және Сырдария аудандарының әкімі қызметтерін атқарған

Өңірдің қаржы басқармасын және жұмыспен қамтуды үйлестіру және әлеуметтік бағдарламалар басқармасын басқарған.

Ергешбаев мәжіліске 2023 жылдың наурызында AMANAT партиясының партиялық тізімі бойынша өтті.

Соңғы қызметі Парламент Мәжілісінің депутаты.