Шерзаттың әкесі полициядан ауруханаға шұғыл жеткізілді

Шерзат Полаттың әкесі Қаржаубай Нұрымовты полиция басқармасынан ауруханаға жеткізді, деп хабарлайды Orda.kz.

Қаржаубай Нұрымов, өз-өзіне қол жұмсайтынын айтып қоқан-лоққы көрсеткеннен кейін ұсталған болатын. Ол бірнеше сағат бойы Еңбекшіқазақ аудандық полиция бөлімінде болып, онда онымен психологтар жұмыс істеді. Алайда, оның жағдайы жақсармаған соң шұғыл түрде  Еңбекшіқазақ көпсалалы ауданаралық ауруханасына жеткізген. Қазір Нұрымов дәрігерлердің бақылауында. Оның жанында адвокаттары бар. Ал Азатта оны отбасымен қоғам белсендісі Айтбек Амангелді күтіп отыр.

Сонымен қатар, Қаржаубай Нұрымовқа қоғамдық тәртіпті бұзу, бейәдеп сөздер қолдану мен адамдарға тиіскені үшін әкімшілік іс қозғалды. Қазіргі таңда іс материалдары сотқа жолданды. Нұрымов 5-тен 15 тәулікке дейін қамауға алынуы мүмкін.

Еске сала кетейік, 10 желтоқсанда Азат ауылында Шерзаттың ағасы Нұрқанат Ғайыпбаевтың жаназасы өте салысымен арты үлкен дауға айналды. Қаржаубай Нұрымов журналистермен кездесуді талап етіп, тіпті өз-өзін пышақпен жарақаттап үлгерді.

Нұрқанат Ғайыпбаевтың өліміне қатысты оқиғаның егжей-тегжейін мына репортаждан оқи аласыз.