Шерзат Полаттың әкесін полиция ұстады

Азат ауылында жағдай шиеленісіп кетті, Шерзат Полаттың әкесін полиция қызметкерлері ұстады, деп хабарлайды Orda.kz 

Бүгін Азат ауылында Шерзат Полаттың ағасы Нұрқанат Ғайыпбаевтың жаназасы шыққан соң Каржаубай Нұрымов журналистермен кездесуді талап етіп, қолына пышақ алып өз-өзін жарақаттаймын деп қоқан-лоққы көрсетті. Ал оның жақын туыстары тергеудің әділ жүргізілуін талап етуде.

Полиция оны агрессивті әрекеті үшін ұстады. Қазіргі уақытта ол полиция бөліміне жеткізіліп, онымен психологтар жұмыс істеп жатыр.

«Ол айналасындағы адамдарға қауіп төндіріп, полиция қызметкеріне пышақпен шабуыл жасады. Оның әрекеті бейтарап емес болғандықтан өзі мен айналасындағыларға қауіп төндірді. Туыстары мен адвокаттарының сұрауы бойынша, оның өміріне және айналадағы адамдардың өміріне зиян келтірмеу мақсатында полиция қызметкерлері аздаған күш қолдана отырып оны ұстау шараларын қабылдады»,  деп хабарлады Алматы облысының полициясы.