Шакира жер сілкінісінен кейін Колумбияда 10 мектеп салып бермек

Әнші Шакира Колумбияның Чоко департаментіндегі Кибдо қаласына күтпеген жерден барып, жер сілкінісінен зардап шеккен білім беру мекемелерін аралап, жергілікті оқушылармен кездесті, деп хабарлайды Orda.kz.

Колумбиялық әнші өз еліндегі жер сілкінісінен ең көп зардап шеккен өңірлердің бірінде кемінде он жаңа мектеп салуға көмектесетінін мәлімдеді. Сондай-ақ Чоко технологиялық университетін қалпына келтіруге жәрдемдесуге уәде берді.

Жобаны оның Pies Descalzos қоры америкалық филантроп Говард Баффетпен бірлесіп жүзеге асырады. Білім беру инфрақұрылымын қалпына келтіруге ірі қайырымдылық қаражаты да бөлінбек. Олардың қатарында Global Citizen және Live Nation ұйымдарының 1 млн доллар көлеміндегі қайырымдылығы бар.

Колумбияны жойқын жер сілкінісінен кейін қалпына келтіруге 9,5 млрд доллар қажет болады. Бұл туралы ел президенті Абелардо де ла Эсприэлья мәлімдеді.

«Жекелеген кей компанияның бағалауынша, тікелей материалдық шығын шамамен 30 трлн песоға (9,5 млрд доллар) жетеді. Оның 24,5 трлн песосы (7,8 млрд доллар) ғимараттарды қалпына келтіруге, ал 5,5 трлн песо (1,7 млрд доллар) инфрақұрылымды қалпына келтіруге қажет» деп оның сөзін Caracol келтірді. 

Президенттің айтуынша, қазір жер сілкінісінен 289 адам қаза тапқан, тағы 4187 адам жарақат алған, 143 адам із-түзсіз жоғалған. Табиғи апат 120 мыңнан астам отбасыға әсер етіп, шамамен 27 мың тұрғын үй қираған, тағы 127,5 мың үй бүлінген.

Жойқын жер сілкінісі магнитудасы 7,4 болып, 10 тамызда Колумбияның батысында болған.

Оқи отырыңыз:

• Таразда аутизмі бар баланы балабақшада байлап ұйықтатпақ болған: Анасы жай-жапсарын айтты
• Бақытжан Базарбек жол апатынан зардап шеккен азаматтың туыстарымен бірге видео жариялады