Сегіз бала көз жұмды: АҚШ-та ер адам туыстарының балаларын қырып салды

АҚШ-тың Луизиана штатындағы Шривпорт қаласында жексенбі, 19 сәуір күні белгісіз ер адам балаларға оқ атты.  Салдарынан сегіз бала көз жұмды, деп хабарлайды Orda.kz DW сайтына сілтеме жасап.

Атыстан тағы екі адам жарақат алған. Бұл туралы Шривпорт полициясының баспасөз хатшысы Кристофер Борделон айтты. 

Полицияның алдын ала мәліметінше, оқиға тұрмыстық зорлық-зомбылыққа байланысты болуы мүмкін. Ер адам 3 үйге жеке-жеке барып, бәрін қырып саламын деп ойлаған. Үшінші үйдегі жәбірленушілердің бірі жасырынып үлгерген. Күдікті көлік ұрлап, қашуға әрекет жасаған. Алайда Шривпорт полициясы оған оқ атып өлтірген.

Қазіргі уақытта шабуыл жасаған адамның кім екені және оның әрекетінің себептері туралы нақты ақпарат жоқ. Полиция тек қаза тапқан балалардың кейбірі күдіктінің туыстары болғанын мәлімдеді.

Қала мэрі Том Арсено қаралы күн жариялады.

Оқи отырыңыз:

• Түркиядағы мектепке қарулы шабуыл: 18 адам зардап шекті
• Түркиядағы қонақ үйде 78 адамның өмірін қиған өртке жауапты 11 адам өмір бойы бас бостандығынан айырылды
• 4 адам опат болды: Түркияда тағы да оқушы мектептегілерге оқ жаудырды