Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин

Қазақстанның вице-премьері Серік Жұманғарин Ресейдің еліміз арқылы тауарлардың транзитіне қатысты енгізген шектеулерін пікірін айтты. Үкіметтегі брифингте ол онда тұрған ештеңе жоқ екенін айтты, деп хабарлайды Orda.kz.

«Мұндай жағдайлар әлемде болып жатыр. Онда тұрған ештеңе жоқ. Біздің өнімдеріміздің Ресей Федерациясы арқылы транзитіне бізге мұндай тыйым енгізілген жоқ. Ресей ауыл шаруашылығы жіберген қаулыда ол тыйым жоқ. Шын мәнінде, біз енгізген тыйым ішкі нарықты қорғауға байланысты емес. Керісінше, ішкі нарықтағы баға белгілеуді реттеу үшін қажет болды. Жасырын жүйелер арқылы өзіндік құнынан төмен, тоннасына 60-80 доллардан сатылатын күмәнді бидай нарықты бұзып қана қоймай, мыңдаған шаруаларымыздың адал еңбегін жоққа шығарды Сонымен қатар, экспорттық төлемдерде түсініксіздік туғызды. Бізге бұл тыйым бағаны белгілеу, ішкі нарыққа баға туралы белгі беру үшін қажет», - деді Жұманғарин.

Еске сала кетсек, Ресейдің ауыл шаруашылығын бақылау органы Қазақстаннан қызанақ, бұрыш, қауын, бидай, зығыр және жасымық сияқты өнімдерді уақытша импорттауға тыйым салды. Бұл шешім Қазақстанның Ресей маңызды рөл атқаратын дамушы елдер блогына, яғни  БРИКС-ке қосылудан бас тартқаннан кейін қабылданды.

Сондай-ақ Мемлекет басшысы Astana Think Tank форумының қорытынды отырысында  Ресейдің Украинадан жеңілмейтінін тағы бір мәрте айтқан болатын. 

Саясаттанушы Ғазиз Әбішев Orda.kz-ке берген пікірінде Қазақстанның БРИКС ұйымына кіруді жоспарламайтыны туралы ойын айтты.