Ресей Қазақстаннан бидай әкелуге рұқсат берді

Көктемде енгізілген тыйым 20 қазанда күшін жояды, деп хабарлайды Orda.kz

22 сәуірде Ресей Қазақстаннан ауыл шаруашылығы өнімдерін әкелуге салынған тыйымды алып тастады. Бірақ келесі күні жаңа шектеулер енгізді. 23 сәуірден бастап ҚР-дан РФ-ға бидай, зығыр және күнбағыс тұқымдарын әкелуге тыйым салынды. Олар тек көрші ел арқылы транзитпен өтетін өнімдерге ғана қатысты емес.

Бірақ 17 қазанда бидайды Қазақстаннан Ресейге экспорттауға тағы да рұқсат берілгені белгілі болды. Мұндай уағдаластыққа Россельхознадзор басшысы Сергей Дангверт пен ҚР ауыл шаруашылығы министрінің орынбасары Ермек Кенжеханұлының кездесуі барысында қол жеткізілді.

 Қазақстандық бидайды өндірістің негізгі салаларынан РФ-ға әкелуге тыйым салу 20 қазаннан бастап күшін тоқтатады.

Осы аптада ҚТЖ астық тасымалдау бағасын көтеру жоспарын жариялады. Ұлттық компания мұны қазіргі тариф өзіндік құннан екі есе төмен екендігімен түсіндірді.

 
Наурыз айының ортасында ауыл шаруашылығы министрлігі «Қазақстан аумағына бидайды автомобиль, су және теміржол көлігімен әкелуге тыйым салуды енгізу туралы» бұйрық жобасын дайындады.

Былтырғы 6 қыркүйекте Батыс Қазақстан облысының теміржол фитосанитарлық бекеттерінде аумақтық инспекция инспекторлары Ресей Федерациясының Саратов облысынан төрт вагон бидай (251 тонна) тауып, кері қайтарды.

2022 жылы Ресей экспортына салынған тыйым Қазақстан астығына әсер етіп, елдегі бидайдың тоннасы 130 мың теңгеге дейін түсіп кеткен болатын.