Прокурорлар мен тергеушілер адвокаттық лицензия алу үшін аттестациядан өтеді

Әділет министрлігі адвокаттық және нотариаттық қызметті лицензиялау мәселелері бойынша өзгерістер енгізуді көздейтін бұйрық жобасын дайындады, деп хабарлайды Orda.kz.

Жобаға сәйкес, адвокаттық және нотариаттық қызметпен айналысуға арналған аттестация әділет органдарының аттестациялық комиссиясын қатыстырмай, автоматтандырылған режимде өткізілетін болады.

Сонымен қатар адвокаттық қызметпен айналысуға лицензия алу үшін аттестациядан босатылатын тұлғалар санатынан прокурорлар мен тергеушілерді алып тастау ұсынылып отыр. Яғни, енді олар да жалпы негізде аттестациядан өтуге міндетті болады.

Аталған құжат «Ашық НҚА» порталында жарияланып, 9 ақпанға дейін қоғамдық талқылауға шығарылды.

Оқи отырыңыз:

• Ұлттық банк төрағасы: «Бәйтерек» несиелерінен инфляция өршімейді
• Талдықорғанда Қытай туы мен Си Цзиньпиннің портретін өртегендердің соты басталды
• Қатты аязға байланысты Астанадан шығатын бес республикалық тасжол жабылды