Қатты аязға байланысты Астанадан шығатын бес республикалық тасжол жабылды

23 қаңтар күні сағат 21:00-ден бастап ауа райының қолайсыздығына және ауа температурасының –30 °C-қа дейін төмендеуіне байланысты республикалық маңызы бар бірқатар автожолдарда қозғалысқа шектеу енгізілді, деп хабарлайды Orda.kz. 

Ақпаратты Астана қаласының Төтенше жағдайлар департаменті таратты.

Шектеулер дизель отынымен жүретін көлік құралдарына және қоғамдық көліктерге қатысты қолданылады. Қозғалыс келесі учаскелерде тоқтатылды:

 • «Астана – Петропавл» (18–341 шақырымы);

 • «Астана – Қостанай» (16–407 шақырымы);

 • «Астана – Қорғалжын» (19–181 шақырымы);

 • «Астана – Павлодар» (16–200 шақырымы);

 • «Астананы айналып өту жолы» (0–86 шақырымы).

Бұған дейін еліміздің шығысында  -45 градусқа дейін суытып, 12 облыста дауылды ескерту жарияланған болатын.