Есет Байкен Ұлытау облысына әкім болып тағайындалды

Мемлекет басшысының Жарлығымен Есет Байкен Ұлытау облысының әкімі лауазымына тағайындалды, деп хабарлайды Orda.kz.       

Бұл кадрлық өзгеріс өңірдегі басқару жүйесін жаңғырту және әлеуметтік-экономикалық дамуды жандандыру мақсатында жүзеге асырылып отыр.

Есет Берікұлы Байкен 1986 жылы Қарағанды облысында дүниеге келген.  Білімі бойынша заңгер және қаржы саласының маманы.

Қазақ гуманитарлық-заң университетін «қаржы» мамандығы бойынша тәмамдаған. Е.А.Бөкетов атындағы Қарағанды мемлекеттік университетінде «құқықтану» бойынша білім алған.

Мемлекеттік қызметте ерте жастан еңбек жолын бастап, экономикалық жоспарлау және мемлекеттік басқару салаларында тәжірибе жинақтаған.

Есет Байкеннің кәсіби қызметі негізінен мемлекеттік басқару құрылымдарымен байланысты.

2008–2009 жылдары Астана қаласының экономика және бюджеттік жоспарлау басқармасында жетекші маман болды. Кейін түрлі мемлекеттік органдарда жауапты қызметтер атқарды.

ҚР президенті әкімшілігінде мемлекеттік инспектор болып жұмыс істеген. Нұра ауданын басқарып, ең жас әкімдердің бірі ретінде танылған. 

Нұр-Сұлтан атауы болған кезінде Астана қаласы әкімінің орынбасары қызметін атқарған.

Сондықтан оның қызмет жолы өңірлік басқару, экономика және мемлекеттік саясатты іске асыру бағыттарымен тығыз байланысты.

 Ұлытау облысы – 2022 жылы құрылған жас өңір. Сондықтан жаңа әкімнің алдында маңызды міндеттер тұрғаны сөзсіз. Олардың қатарына инфрақұрылымды дамыту, инвестиция тарту,
өндірістік және әлеуметтік жобаларды іске асыру, халықтың тұрмыс сапасын арттыру кіреді.

Есет Байкеннің мемлекеттік басқарудағы тәжірибесі мен орталық және өңірлік деңгейдегі қызметі осы міндеттерді тиімді жүзеге асыруға негіз болады деп үміттенеміз.

Бұған дейін өңірі басқарған  Дастан Рыспеков Ұлытау облысының әкімі қызметінен босатылды.  Дастан Рыспеков Ұлытау облысының әкімі қызметіне тағайындалғаннан бері өңірдің әлеуметтік-экономикалық дамуына жауапты болып, инфрақұрылым, инвестиция тарту және өндірістік жобаларды іске асыру бағытында жұмыс атқарған.

 
Оқи отырыңыз:

• Дастан Рыспеков Ұлытау облысы әкімі қызметінен кетті
• Ақтөбе облысында есірткі сатты деген күдікпен екі полицей ұсталды
• Бұрынғы энергетика министрі Атырау облысының әкімі болып тағайындалды