Полиция алматылықтардың 5 мыңға жуық көлігін айып тұрағына қойды

Алматы қаласында сегіз күн ішінде жол қозғалысы ережелерін бұзудың шамамен 15 мың дерегі анықталды, деп хабарлайды Orda.kz.

Оның ішінде көлік құралын мас болып басқару, қарсы бағытқа шығу, сондай-ақ көлік жүргізу құқығынсыз басқару фактілері тіркелген. Сонымен қатар жалған мемлекеттік тіркеу нөмірлерін пайдалану жағдайлары да анықталды.

«Біз тек өрескел құқық бұзушылықтарды ғана емес, сонымен қатар агрессивті жүргізу әрекеттерін де тіркеп отырмыз. Кенет маневр жасау, жол ережелерін елемеу, өзге жол қозғалысына қатысушыларға құрметсіздік таныту жиі кездеседі. Әсіресе мас кезінде көлік жүргізетіндерге, жүргізуші куәлігінсіз немесе жалған нөмірмен әдейі көлік басқаратын тұлғаларға ерекше назар аударылады», – деп атап өтті полиция полковнигі Ғалым Сарғұлов.

Іс-шара аясында түнгі сүзгілеу шаралары күшейтіліп, оның ішінде әл-Фараби даңғылында бақылау күшейтілді.

Электросамокат пайдаланушыларына да ерекше назар аударылды. Рейдтер нәтижесінде мыңдаған құқық бұзушы әкімшілік жауапкершілікке тартылды. Жол қозғалысына кедергі келтірген және ереже бұза қойылған көптеген самокаттар көшелерден алынды.

Оқи отырыңыз:

• Туризм министрлігі америкалық тревел-блогерді неге күтіп алмады? Министрліктің ресми мәлімдемесі
• Ең көп жалақыны кім алады? Министрлік табысы жоғары мамандарды атады