Павлодарда жедел жәрдем 76 жастағы әйелді қағып кетті

Павлодарда реттелмейтін жаяу жүргіншілер өткелінде жедел жәрдем көлігі 76 жастағы әйелді қағып кетті, деп хабарлайды Orda.kz.

Павлодарда шұғыл шақыртуға бара жатқан жедел жәрдем көлігі реттелмейтін жаяу жүргіншілер өткелінде 76 жастағы әйелді қағып кетті. Зардап шегуші ауруханаға жеткізіліп, оның жағдайы орташа ауыр деп бағаланған.

103 қызметінің мәліметінше, оқиға кезінде жедел жәрдем көлігі қосулы тұрған жарқыл шамдары мен арнайы дыбыс белгісін қосып, шұғыл шақыртуға бара жатқан. Алдын ала мәлімет бойынша, әйел көлік өткелден өтіп бара жатқан сәтте жаяу жүргіншілер жолағына шыққан.

Жол апаты салдарынан әйелдің екі аяғының сүйектері сынып, денесінің әр жері көгеріп, сырылған. Ол Павлодар қаласындағы №1 қалалық ауруханаға жеткізілді.

Дәрігерлердің айтуынша, зардап шегушінің жағдайы орташа ауыр. Оқиғаның барлық мән-жайын полиция қызметкерлері анықтап жатыр.

Оқи отырыңыз:

Талғат Алдыбергенов ҚТЖ басшысы қызметінен кетті

ҰҚК статистикасында парақорлық көш бастап тұр