Павлодарда пациенттерді ұрып-соғу туралы ақпараттан кейін психикалық денсаулық орталығында тексеріс басталды

Павлодардағы психикалық денсаулық орталығында пациенттерді ұрып-соғу туралы ақпараттан кейін қызметтік тексеріс басталды, деп хабарлайды Orda.kz.

Бұған дейін әлеуметтік желілерде орталықтың №2 ерлер бөлімшесінде пациенттерге қатыгездік көрсетілетіні туралы ақпарат тараған болатын. 

«Әлеуметтік желілерде таралған ақпаратқа байланысты қызметтік тексеріс жүргізіледі. Пациенттердің атынан ешқандай өтініш пен шағым түскен жоқ»,  деп хабарлады бейсенбі күні Павлодар облыстық психикалық денсаулық орталығы.

Жазба авторларының айтуынша, қарт адамдарды бейнебақылау камералары жоқ жерлерде, әсіресе дәретханаларда ұрып-соғады екен.

«Кейбірінің бүкіл денесі көгеріп қалады. Пациенттер өз өмірі мен денсаулығы үшін қорқады. Бұл бір ғана жағдай емес, жүйелі түрде қайталанатын тәжірибе болуы мүмкін. Егер бұл ақпарат расталса, жан-жақты әрі мұқият тергеу талап етіледі»,  деп жазылған әлеуметтік желідегі жарияланымда.

Оқи отырыңыз:

10 тамыз – Абай күні: Ақын бір қыста 12 қылмыстық іс бойынша тексерілгенін білген бе едіңіз?

Таразда көңілдесі қызғаныштан әйелді тұншықтырып өлтірді