Павлодарда апатқа ұшыраған ұшақтың екінші ұшқышы жансақтау бөлімінде

Павлодар облысында ұшақ апатынан аман қалған екінші ұшқыш жансақтау бөлімінде жатыр, деп хабарлайды Orda.kz.

Павлодар облысында апатқа ұшыраған АН-2 ұшағындағы тірі қалған ұшқыштың жағдайы белгілі болды. Өңірлік денсаулық сақтау басқармасының мәліметінше, 1998 жылы туған азамат Павлодар қалалық №1 ауруханасының жансақтау және қарқынды терапия бөліміне жеткізілген.

«Науқасқа диагноз қойылды. Қажетті ем толық көлемде көрсетіліп жатыр. Дәрігерлер оның жағдайын тұрақты бақылауда ұстап отыр» деп хабарлады ведомство.

Еске сала кетейік, Железника ауылы маңында ұшақ авиациялық-химиялық жұмыстарды орындау кезінде апатқа ұшырады.  Алдын ала мәлімет бойынша, әуе кемесі электр беру желілеріне соғылған. Бортта екі экипаж мүшесі болған. Оқиға салдарынан бір ұшқыш қаза тапқан.

Оқи отырыңыз:

Павлодар облысында ұшақ апатынан бір ұшқыш мерт болды

Тексеріс болады: Блогер Сәуле Базархан қайтыс болған клиникада 2020 жылы тағы бір жас әйел өмірімен қоштасқан

Бейімбет Майлин ескерткішінің мойнына мініп алған қыз жазаланды