Павлодар облысында ұшақ апатынан бір ұшқыш мерт болды

Павлодар облысының Железинка ауылы маңында авиациялық-химиялық жұмыстарды атқарып жүрген Ан-2 ұшағы апатқа ұшырап, оқиға орнында ұшқыш қайтыс болды, деп хабарлайды Orda.kz.

Ұшақ апаты 27 мамырда Железинка ауылы маңында болған, ұшақ авиациялық-химиялық жұмыстарды орындаған. Бортта экипаждың екі мүшесі болған.

 «Алдын ала мәлімет бойынша, ұшақ электр желілеріне тиген. Бортта екі экипаж мүшесі болды. Оқиға салдарынан бір ұшқыш қаза тапты» деп мәлімдеді көлік министрлігі. 

Қазіргі уақытта, екінші ұшқышты Павлодар қалалық ауруханасына жеткізді. Төтенше жағдайлар департаменті мамандары екінші ұшқышты ұшақтан дер кезінде аман-есен алып шыққан. Ұшақтағы оқиғаны тергеу департаментінің қызметкерлері апат болған жерге аттанып, арнайы тергеу амалдарын бастады.