Талдықорғанда төрт метрлік ашық құдыққа 14 жастағы қыз құлап кетті

Талдықорғанда көшеде ойнап жүрген 14 жастағы қыз төрт метр тереңдіктегі ашық құдыққа құлап кетті, деп хабарлайды Orda.kz.

Полиция мәліметінше, қыздар көшеде мысықтың соңынан жүгіріп бара жатқан. Сол сәтте үлкені ашық жатқан люкті байқамай, құдыққа түсіп кеткен, бұл туралы оның 12 жастағы сіңлісі айтқан. Артынша полиция қызды арқанмен тартып шығарып, жасөспірімді алғашқы медициналық тексеруден өткізу үшін жедел жәрдем бригадасына тапсырған. 

Оқиғадан кейін учаскелік полиция инспекторлары қауіпті құдықтың қақпағын шұғыл жабу туралы нұсқама енгізді. Сондай-ақ аталған аумақтың қауіпсіздігіне жауапты тұлғалардың әрекетіне құқықтық баға беріліп, тиісті шаралар қабылданатынын жеткізді.

Оқи отырыңыз:

Ұшаққа найзағай түсіп, қозғалтқышының бір бөлігі үзіліп кетті

+42 градусқа дейін: Алматы аптап ыстықпен аэрация арқылы күресіп жатыр