Павлодар алюминий зауытында екі жұмысшы жарақат алды

Павлодар алюминий зауытында өндірістік оқиға салдарынан екі қызметкер зардап шекті. Пеш қабырғасына жиналған қатты материал үгіліп құлап, жұмысшыларды басып қалған, деп хабарлайды Orda.kz.

Оқиға 16 мамыр күні сағат 23:10 шамасында №3 пештің кептіру аймағын тазалау кезінде болған. Зауыт мәліметінше, жұмыс барысында пеш қабырғасында жиналған материалдың бір бөлігі опырылып түскен. Сол сәтте аймақта агломерация цехының екі қызметкері жүрген екен.

Салдарынан диірмен машинисі оң аяғын сындырып алған. Жұмысшының оң аяғының жұмсақ тіндері көгеріп, жарақат алғаны анықталды. Дәрігерлер оның сүйегінде сыну жоқ екенін және еңбекке жарамдылығын жоғалтпағанын мәлімдеді.

«№3 пештің кептіру аймағын тазалау жұмыстары кезінде қабырғаға жиналған материалдың бір бөлігі опырылып құлады. Оқиға салдарынан диірмен машинисі оң аяғын сындырды.  Зардап шеккен қызметкерлерге алғашқы көмек көрсетіліп, медициналық мекемеге жеткізілді»,  деп хабарлады «Алюминий Қазақстаны» АҚ.

Зауыттағылардың айтуынша, зардап шеккендерге дереу алғашқы медициналық көмек көрсетіліп, облыстық ауруханаға жеткізілген. Тексеру қорытындысы бойынша агломератшы үйіне жіберілсе, диірмен машинисі ауруханаға жатқызылған.

Оқи отырыңыз:

• АҚШ пен Иран келіссөзді қайта бастау үшін тағы да бір-біріне талап қойды
• Ақтөбелік емші Динара Сәтжан мен Баян Алагөзоваға тиісіп, істі болды
• АҚШ-та ЖИ арқылы қатерлі ісікті анықтау жүйесін әзірлеген қазақ баласы марапатталды