Пәкістан Үндістанға қарсы ауқымды әскери операция басталғанын жариялады

«Баньян-уль-Марсус» операциясы сенбі күні таңертең басталды. Пәкістан армиясы Үндістан аумағындағы көптеген стратегиялық мақсаттарға, соның ішінде елдің солтүстігіндегі зымыран қоймасына соққы беруді жоспарлап отыр, деп хабарлайды Orda.kz Reuters агенттігіне сілтеме жасап.

Басылымның хабарлауынша, Пәкістан Үндістан үш авиабазадан, соның ішінде Исламабадқа жақын орналасқан бір базадан зымыран атқаннан кейін шабуыл жасады. Пәкістанның ӘШҚҚ құралдары олардың көпшілігін ұстап алды.

Әскери операцияның басталғаны туралы хабар Пәкістан үкіметінің Х. әлеуметтік желісіндегі аккаунтында пайда болды.

Пәкістан әскерилері BrahMos зымыран қоймасын жойғанын мәлімдеді. Сондай-ақ Үндістанның Пенджаб штатындағы Патханкот және Кашмирдегі Удхампур авиабазалары зардап шекті.

CNN хабарлағандай, Пәкістан премьер-министрі Шахбаз Шариф ядролық және зымыран саясаты мәселелері бойынша шешім қабылдайтын елдің жоғары органы отырысын шақырған.

G7 және Еуроодақ елдерінің сыртқы істер министрлері Үндістан мен Пәкістанды барынша ұстамдылыққа, дереу деэскалацияға шақырды.

7 мамырда Үндістан Пәкістанға қарсы әскери операция бастады. Ол 26 адам, оның ішінде туристер қаза тапқан терактіге жауап ретінде Кашмирдің пәкістандық бөлігіне шабуыл жасады. Пәкістан бұл шабуылды  «әдейі жасалған» деп атады.

Үндістан жағы теракт жасағаны үшін пәкістандық содырларды айыптады. Пәкістан билігі бұл зорлық-зомбылық әрекетіне қатысын жоққа шығарады. ҚР СІМ Үндістан мен Пәкістан қатынасын одан әрі шиеленістірмеу үшін, ұстамдылыққа шақырды.

Тәуелсіз дереккөздер  шекараның екі жағындағы құрбандар саны бойынша қазірдің өзінде кемінде 48 адам қаза тапқанын хабарлады. 

Кашмирдегі  терактіден кейін Үндістан Пәкістан шекарасындағы «Аттари» бақылау-өткізу пунктін жауып тастады.