Үндістан мен Пәкістан бір-біріне қарулы шабуыл жасады

Сейсенбіден сәрсенбіге қараған түні Үндістан мен Пәкістан бір-біріне шабуыл жасады. Шабуылды Үндістан бастады, деп хабарлайды Orda.kz. 

Үндістан қарулы күштері Пәкістан мен Кашмирдің Пәкістан бақылауындағы бөлігіне ракетамен соққы жасады. Олар шабуылды «Синдур» операциясы деп атады. Үндістандықтар тоғыз нысанға соққы жасаған. 

Ал Пәкістан Үндістанның ракетамен шабуыл жасағанына жауап қайтаратынын мәлімдеді. Көп ұзамай Пәкістан Үндістанға қарсы соққы жасады. Бұл туралы Samaa TV арнасы тікелей эфирінде хабарлады. Кейін Пәкістан әуе кеңістігін 48 сағатқа жапты. Елдің қорғаныс министрлігінің өкілі әскери авиацияның әуеге көтерілгенін мәлімдеді. Пәкістанда Үндістанның шабуылы салдарынан кем дегенде 8 адам көз жұмып, 35 адам жараланған. Екеуі хабар-ошарсыз кетті. Соққылардың бірі мешітке тиген. Пәкістан бұл шабуылды «ашық соғыс әрекеті» деп атады. 

БҰҰ бас хатшысы Антонио Гутерриш елдерді барынша ұстамды болуға шақырды.

Айта кетейік, бұған дейін Үндістан мен Пәкістан шекарасында атыс болып, 26 турист қаза тапқан еді.