АҚШ делегациясы Иранмен келіссөздердің екінші кезеңіне қатысу үшін Исламабадқа келді

Иран мен АҚШ арасындағы келіссөздердің екінші кезеңіне қатысатын америкалық алдыңғы топ мінген екі ұшақ Исламабадқа қонды. Бұл туралы Пәкістан билігінің өкілдеріне сілтеме жасап «Анадолу» агенттігі жазды, деп хабарлайды Orda.kz.

Дереккөздердің мәліметінше, екі ел делегациялары арасындағы негізгі келіссөздер 20 сәуір, дүйсенбі күні Пәкістанда өтеді. Шенеуніктер Вашингтоннан келген алдыңғы топ отырған екі әуе кемесі Пәкістан астанасына қонғанын растады.

Сонымен қатар Geo News телеарнасының хабарлауынша, Исламабад полициясы АҚШ пен Иран арасындағы келіссөздердің екінші кезеңі қарсаңында қауіпсіздік шараларын күшейткенін мәлімдеді. Бұған дейін Пәкістан үкіметіндегі дереккөздер де «Анадолу» агенттігіне АҚШ пен Иран делегацияларының дүйсенбі күні Исламабадта кездесуі ықтимал екенін хабарлаған болатын.

Жақында Пәкістан үкіметіндегі дереккөздері де «Анадолыға» АҚШ пен Иран делегацияларының Исламабадта «дүйсенбі күні кездесуі әбден ықтимал» деп хабарлаған болатын.

Еске салайық, 12 сәуір күні Исламабадта өткен АҚШ пен Иран арасындағы шиеленісті келіссөздер 21 сағаттан астам уақытқа созылғанымен, соғысты тоқтататын бейбіт келісімге қол жеткізілмеген еді.

Оқи отырыңыз:

• Бітім бе, шатасу ма? АҚШ пен Иран келіссөздері үш түрлі жоспарға бөлініп кетті
• Трамптың қоқан-лоққысы және жүзеге аспай тұрған бітім: АҚШ–Иран соғысы қай кезеңде?
• Бітім қыл үстінде: Израиль соққыларынан кейін Иран Ормуз бұғазын қайта жапты
• Иран мен АҚШ арасындағы бітімгерлік келіссөздер өте ме?