«Өзімді Ресейдегі өзбектей сезіндім»: Алматыға келген ресейлік қыздың видеосы дауға айналды

Алматыға келген ресейлік қыздың қағазбастылыққа қатысты ашулы видеосы әлеуметтік желіде қызу талқыланып жатыр. Ол ЖСН мен банк картасын рәсімдеу кезіндегі қиындықтарға шағымданған, деп хабарлайды Orda.kz.

Әлеуметтік желіде Алматыға келген  ресейлік қыздың видеосы кеңінен тарап жатыр. Видеода ол Қазақстандағы құжат рәсімдеу жүйесіне ашық наразылық білдірген. Жұрттың наразылығын оның қызмет көрсету емес, «өзімді Ресейдегі өзбектей сезіндім» деген сөзі тудырды. 

Қыздың айтуынша, банк картасын ашу үшін алдымен ЖСН рәсімдеу қажет болған. Сол себепті бірнеше күн бойы ХҚКО мен банк арасында жүруге мәжбүр болғанын айтады. Видео барысында ол эмоцияға беріліп, бейәдеп сөздер де қолданған. 

Пікір жазғандар Қазақстанда ЖСН алу — барлық шетел азаматтарына ортақ заң талабы екенін еске салды. Сонымен қатар, кей қолданушылар оның сөзінен өзге ұлтты төмендету мен менсінбеу байқалатынын айтты.

Қазір видео әлеуметтік желілерде тарап, шетелден келген азаматтардың жергілікті тәртіп пен мәдениетке көзқарасы туралы жаңа пікірталасқа себеп болды.

«Ақыры өзге елге келген екенсің сол елдің заңын құрметтеу керек», «Мәселе қағазбастылықта емес, адамның қарым-қатынасында» деген пікірлер желіде жиі жазылып жатыр.

Оқи отырыңыз:

• Қазақстан мен Түркия стратегиялық серіктестікті нығайтуға уағдаласты
• Баян Алагөзова Меруерт Өтекешеваға пәтер сыйлады 
• «Афросиаб» Орталық Азиядағы теміржол революциясы ма, әлде қымбат имидж бе?