«Өз халқынан именетін мемлекеттің қасіретті халі»: Дуров Ресей билігіне жауап қатты
GETTY IMAGES
Павел Дуров Telegram-ды бұғаттауды және ресейліктерді басқа қосымшаға мәжбүрлі түрде көшіруді жақтайтын уәж ретінде Қытай мен оның мессенджері — WeChat мысалға келтірілгенін, алайда бұл салыстыру қате екенін мәлімдеді, деп хабарлайды Orda.kz.
Оның айтуынша, WeChat «ұлттық мессенджер» болып тағайындалған жоқ және халыққа күштеп таңылған жоқ. Ол 2010 жылдардың басындағы еркін бәсекелестік жағдайында ондаған үміткердің арасынан (сол кезеңде ешқандай шектеусіз қолжетімді болған халықаралық мессенджерлер, соның ішінде WhatsApp та бар) қытайлық пайдаланушыларға ең үздік сервисті ұсына отырып, абсолютті көшбасшыға айналған.
Тек WeChat аудиторияның басым бөлігін табиғи түрде жинағаннан кейін ғана мемлекет өз қызметтерін осы платформаға біріктіре бастапты.
«Ресей маған қарсы «терроризмге жәрдемдесті» деген айыппен қылмыстық іс қозғады. Билік өкілдері ресейліктердің Telegram-ға қолжетімділігін шектеу үшін күн сайын жаңа сылтаулар ойлап табуда, осылайша жеке өмірге қол сұқпаушылық пен сөз бостандығы құқығын тұншықтыруға тырысуда. Бұл — өз халқынан қорқатын мемлекеттің аянышты көрінісі» деп жазды Дуров өзінің Х желісінде.
Сонымен қатар ол осыған ұқсас жағдай Корея мен Жапонияда да байқалғанын мысалға келтірді. Оның ойынша, бұл елдерде негізгі мессенджерлерге (нарықтың 90%-дан астамы) KakaoTalk пен LINE айналған. Бұл да шетелдік бәсекелестерді бұғаттаусыз және әкімшілік қолдаусыз жүзеге асты.
Бәсекелестік — инновацияның қозғаушы күші. Оны жою адамдардың өмір сапасы мен байланыс қауіпсіздігінің төмендеуіне ғана әкеледі.
Оның айтуынша, Ресейдікі сияқты халыққа сервисті директивті түрде таңу әрекетінің әлемдік тәжірибеде бұндай сәтті мысалы жоқ.
«Әлемде өз нарығында көшбасшы болған бар-жоғы үш жергілікті мессенджер бар. Олардың барлығы да шенеуніктердің тағайындауының емес, нарықтық бәсекенің нәтижесі» деп түйіндеді ойын Павел Дуров.
Еске салсақ, Telegram мессенджерінің тең құрылтайшысы Павел Дуровқа қатысты Ресей Федерациясы Қылмыстық кодексінің 205.1-бабы («Террористік қызметке жәрдемдесу») бойынша қылмыстық іс қозғаған болатын.
Оқи отырыңыз:
Жаңалықтар
- Қазақстанда миллион теңгеден асатын жалақыны кімдер алады?
- Еліміздің ірі үш қаласында ауа температурасы +48 градусқа дейін ысиды
- Президент тапсырмасы: «Алматы – Қаскелең» жолы сегіз жолаққа дейін кеңейтіледі
- Екі аптада 33 мың жедел жәрдем: Алматылықтар аптап ыстықпен қалай күреседі?
- Стамбұл соты Биньямин Нетаньяхуды қамауға алуға халықаралық ордер шығарды
- Ақтөбеде кісі өлтіріп, денесін қоқыс алаңына тастаған адам 14 жылға сотталды
- Бюджетке 730 миллиард теңге салық неге түспеген?
- Құрылтай сайлауына жеті партиядан кандидаттар тізімі қабылданды
- Тоқаев заңға қол қойды: Суррогат ана қызметі мен мәслихатта не өзгерді?
- Стамбұлдағы адам өлімі: Үш елде арнайы операция өтті
- СҚО-да жантүршігерлік жол апатынан сегіз адам зардап шекті, оның алтауы бала
- Трамп Ормуз бұғазындағы кемелерге ақы енгізу ұсынысынан айнып қалды
- Құрылтай сайлауын ұйымдастыруға 34,3 млрд теңге бөлінді
- Жамбыл облысында аурухана қызметкерлері кәріз құдығына түсіп, екі адам қаза тапты
- Қырғызстан мұнай мен мұнай өнімдерін елден шығаруға уақытша тыйым салды
- Заңгер әрі блогер Әділетхан Молдахан 2 жыл 6 айға бас бостандығынан айырылды
- Атырауда қайын жұртын қырып салған күйеу бала өмір бойына бас бостандығынан айырылды
- Абай облысында пышақталған қыздың мәйіті табылды
- МӘМС-пен тегін жасалатын ота үшін 8 млн теңге алған хирургтің ісі сотқа жолданды
- Астана маңындағы демалыс базасында ер адам өлім аузынан қалды
