Нұрай Серікбайдың өлімі үшін 10 млрд теңге өтемақы: Марқұмның ағасы отбасы талабын түсіндірді

Марқұм Нұрай Серікбайдың отбасы сотталушыдан 10 млрд теңгеден астам өтемақы өндіріп алуды талап етті. Қаза тапқан қыздың ағасы Сұлтан отбасының неге дәл осындай қаражат талап етіп отырғанын түсіндірді, деп хабарлайды Orda.kz.

Оның айтуынша, әңгіме тек өтемақы туралы емес. Отбасы кінәлі тараптың келтірілген шығынды өтемей, шартты түрде мерзімінен бұрын босату немесе жазасын жеңілдету арқылы жауапкершіліктен құтылып кетпеуін қалайды.

«Қаражат соншалықты қомақты болу керек, оны жай ғана төлеп, ұмытып кету мүмкін болмасын. Яғни, бейнелеп айтқанда, адам оны өмір бойы төлеп жүретіндей болуы керек», – деді Сұлтан.

Ол ешқандай ақша отбасы үшін Нұрайдың орнын толтыра алмайтынын атап өтті. Егер өтемақыны өндіріп алу мүмкін болса, отбасы бұл қаражатты сталкинг пен зорлық-зомбылыққа тап болған қыздарға көмектесуге жұмсауды жоспарлап отыр.

Оқи отырыңыз:

• Денесінен көгерген іздер көрдім: Ашыбұлақта әйелдің өліміне қатысты тың деректер шықты
• Алматының қай жерлері қауіпті? Полиция қылмыс картасын өзгертіп жатыр