Өскемендегі «Қазмырыш» кәсіпорнында жарылыс: Премьер-министр тапсырма берді

Олжас Бектенов Өскемендегі жарылысқа қатысты тапсырма берді. Өскемендегі «Қазмырыш» кәсіпорнында жарылыс болып, төрт адам ауруханаға жеткізілді. Үйінді астында әлі де зардап шеккендер болуы мүмкін, деп хабарлайды Orda.kz.

Кәсіпорын аумағында болған жарылыстан кейін төрт адам медициналық мекемеге жеткізілді, ал құтқарушылар үйінді астынан адамдарды іздеуді жалғастыруда. Жарылыстан кейінгі өрт оқшауланды. Құтқарушылар құрылғыларды бөлшектеп, өрт ошақтарын сөндіруде.

Оқиға орнында 40 құтқарушы мен 10 техника жұмыс істеп жатыр. Қазақстан төтенше жағдайлар министрлігі жедел штаб құрды. Өрт аумағы әлі нақтылануда.

Премьер-министр Олжас Бектенов «Қазмырыш» зауытындағы жарылысқа байланысты мемлекеттік органдарға бірқатар тапсырма берді. Үкімет отырысы алдында ол төтенше жағдайлар министрлігіне, экология министрлігіне және облыс әкімдігіне тиісті шаралар қабылдап, нәтижесі туралы баяндауды тапсырды.

Соңғы мәліметтер бойынша, зауыттағы жарылыстан тоғыз адам зардап шеккен. Екі адам ауыр жағдайда ауруханаға жеткізілсе, тағы бірі жансақтау бөлімінде жатыр.

Айта кетейік, Өскемендегі «Қазмырыш» кәсіпорны аумағында жарылыс болып, төрт адам ауруханаға жеткізілген, құтқарушылар үйінді астынан адамдарды іздеуді жалғастыруда.

Оқи отырыңыз:

• Ақмола облысында ер адам 64 аударым жасап, алаяққа 2,3 млн теңге жіберген
• Қазақстан халқы 20,5 миллион адамнан асты: Өңірлер бойынша жағдай қалай?
• Тісін емдеймін деп барып, ажал құшқан жігітке қатысты қылмыстық іс қозғалды