Ақмола облысында ер адам 64 аударым жасап, алаяққа 2,3 млн теңге жіберген

Интернет-алаяқтықтың құрбаны TikTok арқылы алаяқпен танысқан, ер адам көмек сұраған видеоны көріп, кейін WhatsApp-та сөйлесуді жалғастырған. Бір айдан кейін оған қыздың ауыр науқас екені және емделуге ақша қажет екені айтылған, деп хабарлайды Orda.kz.      

Алаяқтық схемасы біртіндеп дамып отырған. Бастапқыда 13 мың теңге туралы сөз болса, кейін сұралған қаражат өсе берген. Артынша ер адамға қыздың қайтыс болғаны хабарланып, содан кейін хат алмасуға «жерлеу бюросының өкілдері» мен марқұмның төрт баласына қамқорлық жасап жатқан «көршісі» қосылған.

Олардың барлығы шетінен ақша сұраған. Нәтижесінде ер адам шамамен 2,3 млн теңге болатын 64 аударым жасаған, ол үшін бірнеше несие рәсімдеп, таныстарынан қарыз алған.

Бұл алаяқтық қылмыс ер адамның әпкесі хат алмасу мен аударымдар тарихын көрген кезде әшкереленген. Әпкесі осыны көре сала, 2 сәуірде ол полицияға жүгінген. Сотқа дейінгі тергеу дереу басталды. Қазір Солтүстік Қазақстан облысының тұрғыны анықталып, оның қатыстылығы тексеріліп жатыр.

Оқи отырыңыз:

• Зеленский: Мәскеудегі 9 мамыр шеруін Украин дрондарымен қарсы аласыздар
• Астанада жаңа AI Research University ашылады: Болашақта ЖИ үлесі арта түседі
• Көкшетауда мотоцикл мінген адамнан 5 келіден астам марихуана табылды