Оралда септикке құлаған 8 жастағы қыз көз жұмды

Оралда 8 жастағы қыз жер үйдің аумағындағы септикке құлап, қайтыс болды, деп хабарлайды Orda.kz.

БҚО полиция департаментінің баспасөз қызметі мәлім еткендей, 2018 жылы туған қыздың жазатайым оқиғаға ұшырағаны туралы хабарлама 10 тамызда түскен.

Алдын ала мәлімет бойынша, бала жер үйдің аумағында орналасқан септикке құлап кеткен. Қыз бала ауруханаға жеткізілгенімен, есін жимастан көз жұмды.

«Қазіргі уақытта оқиғаның барлық мән-жайы анықталып жатыр. Тексеру нәтижесі бойынша тиісті процессуалдық шешім қабылданады. ҚР ҚПК-нің 201-бабына сәйкес өзге ақпарат жария етуге жатпайды»,  деп хабарлады ведомство.

Оқи отырыңыз: 

Колумбиядағы жер сілкінісінен қаза тапқандар саны 280-нен асты

Ауғанстанда 2,4 миллион қыз орта білім ала алмай отыр