Ауғанстанда 2,4 миллион қыз орта білім ала алмай отыр

Ауғанстанда 2026 жылы 2,4 миллион қыздың бастауыш мектептен кейін оқуын жалғастыру мүмкіндігі жоқ. ЮНЕСКО мәліметінше, ел — қыздар мен әйелдерге бастауыш білімнен кейін оқуға тыйым салынған әлемдегі жалғыз мемлекет.

Бұл шектеулердің енгізілгеніне бес жылға жуықтады. Ал 2022 жылдан бері ауған әйелдеріне жоғары білім алуға да тыйым салынған.

Бұған дейін жағдай біртіндеп жақсарған еді. 2001 жылы қыздардың білім алу мүмкіндігі өте шектеулі болса, 2021 жылға қарай миллионға жуық ауған қызы орта мектепте оқыған. Тыйым мұғалімдерге де әсер етті. Әйел мұғалімдерге ұл балаларға сабақ беруге рұқсат етілмей, педагог тапшылығы күшейіп, білім сапасына кері әсер етті.

Біліммен қатар, әйелдердің қоғамдық өміріне де қатаң шектеулер қойылған. Талибан билігі әйелдерге қоғамдық орындарда сөйлеуге, ән айтуға және дауыстап кітап оқуға тыйым салды. Әйелдің қоғамдық жерде естілетін дауысы «әдепсіздік» ретінде қарастырылады.

Әйелдердің сапар кезінде ер адам — қамқоршысының бірге жүруін талап ететін ережелер де бар. Сонымен қатар бұл нормалар әйелдердің зорлық-зомбылықтан қорғану мүмкіндігін шектейді.

Маусым айында Герат провинциясында әйелдерге қойылған жаңа шектеулер мен киім ережесін бұзды деген адамдардың жаппай ұсталуына байланысты наразылықтар болған. Билік шерулерді күш қолдану арқылы таратты.

Оқи отырыңыз:

• «Намаз оқымаса, сабайды»: Атажұрттан жырақтаған Ауғанстан қазақтары
• Трамп: тәліптер Ресей мен Қытайға американдық қару-жарақ сатып жатыр