Оралда әлеуметтік желіде бейәдеп сөздер айтқан тұрғын қамауға алынды

Оралда әлеуметтік желіде бейәдеп сөздер айтып, өзге азаматтарды балағаттаған тұрғын 5 тәулікке әкімшілік қамауға алынды, деп хабарлайды Orda.kz.

Полиция қызметкерлері әлеуметтік желілерге жүргізілген мониторинг барысында бейәдеп сөздер мен өзге азаматтарға қатысты балағат сөздер айтылған бейнежазбаны анықтаған.

Жүргізілген шаралар нәтижесінде бейнежазбаның авторы анықталды. Ол Орал қаласының 30 жастағы тұрғыны болып шықты.

Сот шешімімен құқық бұзушы 5 тәулікке әкімшілік қамауға алынды.

Тәртіп сақшылары интернет кеңістігінде құқық бұзушылықтарды анықтау және олардың жолын кесу мақсатында тұрақты түрде мониторинг жүргізілетінін еске салды. Заң талаптарын бұзған азаматтар жауапқа тартылады.

Оқи отырыңыз: 

• 12 рет пышақталып, қаза болған Дильназдың анасы күдіктінің жазасын қатаңдатуды сұрады
• Ат байлаған арқанға ілініп қаза тапқан қызға қатысты оқиғаның жай-жапсары белгілі болды