Оқушылар арасында ауру көбейді: 242 мың бала есепке алынды

Қазақстанда 2026 жылдың бірінші жартыжылдығында 2,3 млн бала профилактикалық медициналық тексеруден өтті. Олардың 242 мыңынан, яғни 11%-ынан түрлі ауру анықталды, деп хабарлайды Orda.kz.

Бұл туралы Денсаулық сақтау министрі Ақмарал Әлназарова Үкімет отырысында мәлімдеді. Балалар арасында ең көп таралған аурулар қатарында тісжегі, қан аздығы және миопия бар. 86,7 мың бала одан әрі ем алу үшін тұрғылықты жері бойынша емханаларда динамикалық бақылауға алынды.

Денсаулық сақтау министрлігі мәліметінше, соңғы үш жылда мектептердегі медициналық пункттердің жабдықталуы мен мамандармен қамтылу деңгейі 95%-ға дейін өскен.

Стоматологиялық аурулардың алдын алуға да ерекше көңіл бөлініп отыр. «Болашаққа сау тіспен» жол картасы аясында 2025 жылдан бері білім беру ұйымдарындағы стоматологиялық кабинеттер саны 145-тен 288-ге дейін артты.

Оқи отырыңыз:

Трампты қолдау рейтингі 33%-ға дейін төмендеді — бұл оның президенттігі кезіндегі ең төмен көрсеткіш

Үкімет басшысы 100-ден астам мектептің жөндеу жұмысын екі аптада аяқтауды тапсырды