Трампты қолдау рейтингі 33%-ға дейін төмендеді — бұл оның президенттігі кезіндегі ең төмен көрсеткіш

АҚШ президенті Дональд Трампты қолдау рейтингі 33%-ға дейін төмендеді. Бұл оның қазіргі президенттік мерзіміндегі ең төмен көрсеткіш болды. Мұны Reuters/Ipsos сауалнамасы нәтижелері көрсетті, деп хабарлайды Orda.kz. 

Респонденттердің 64%-ы президенттің жұмысына көңілі толмайтынын айтқан.

Трамптың танымалдығы АҚШ пен Иран арасындағы жалғасып жатқан қақтығыс және жанармай бағасының өсуі аясында төмендеп отыр. Америкалықтардың шамамен 80%-ы АҚШ-тың соғысқа қатысуы ұзаққа созылады деп есептейді. Ал сауалнамаға қатысқандардың тек 16%-ы соғыс алдағы бірнеше аптада аяқталады деп күтеді. Әр бесінші респондент қана соғысқа қатысуға кеткен шығын өзін ақтады деп санайды.

Осы жағдайда республикашылдар қарашада өтетін Конгресс сайлауы қарсаңында тәуекелге тап болып отыр. Шамамен он жыл ішінде алғаш рет америкалықтар экономика мәселесін қай партия жақсырақ шеше алады деген сұрақта демократтарға басымдық берген. Демократтарды 38%, республикашылдарды 35% респондент қолдаған.

Оқи отырыңыз:

• «Депрессия» туралы әзіл: NARXOZ университетінің жазбасы сынға қалды
• Биылғы күз жайлы бола ма? Синоптиктер болжамы