Нығматулинге тиесілі Жаңатас кен орны ереуілге шықты

Жамбыл облысындағы Мәжілістің экс-спикері Нұрлан Нығматулиннің ұлдарына тиесілі «Қазфосфат» ЖШС-нің Жаңатас кен орнында ереуіл басталды.

Бұл туралы Elmedia хабарлайды.

«Жамбыл облысы Жаңатас қаласындағы фосфориттерді өндіру бойынша Жаңатас кен орнында ереуіл басталды. Кеншілер экономикалық талаптарды – жалақыны көтеруді алға тартты» деп хабарлайды басылым дереккөзге сілтеме жасап.

Еске салайық, 23 қарашада Мәжілістің экс-спикері Нұрлан Нығматулиннің ұлдары басқаратын «Қазфосфат» ЖШС зауытында Ресейден келген менеджерге қарсы наразылық туралы хабарланды. Алдын ала болжам бойынша, Ресейден келген менеджер жергілікті жұмысшыларды қорлайтын сөздерге жол беріп, ақыры наразылық тудырған. Нәтижесінде, менеджер кешірім сұрап, қызметінен босатылды.