Нұрлан Сабуров туған қаласына келді

Стендап-комик Нұрлан Сабуров өзінің туған қаласы — Степногорскке келді. Ол ҚР еңбек сіңірген жаттықтырушысы Владимир Камашовты еске алуға арналған халықаралық бокс турниріне қатысты, деп хабарлайды Orda.kz. 

Бұл туралы журналист Ерзат Сергазин Instagram-дағы парақшасында жазды. Ол комикпен түскен суретін жариялады.

Жас боксшыларға арналған турнир Степногорск қаласындағы турнир 20–25 сәуір аралығында өтеді.

Еске сала кетейік, жақында танымал қазақстандық комикке Ресейге 50 жылға кіруге тыйым салынған еді. Бұл шешім «елдің ұлттық қауіпсіздігі, заңнаманы сақтау және дәстүрлі рухани-адамгершілік құндылықтарды қорғау мүддесінде» қабылданған. Сондай-ақ белгісіз себептермен оның Қытайдағы концерттері тоқтатылып, Молдовада да концерттерін өткізбеу ұсынылған.

Оқи отырыңыз: 

• Нұрлан Сабуров сотталуы мүмкін бе?: Заңгер пікірі
• Нұрлан Сабуровтың Ресейге оралуына мүмкіндік бар — заңгер
• «Қылмыскерді көруге келдіңдер ме?» Нұрлан Сабуров алғашқы концертін берді