Нетаньяху Ормуз бұғазы жағдайын дұрыс бағаламағандарын мойындады

Биньямин Нетаньяху Израиль мен АҚШ Иранға қарсы соғыс бастар алдында Ормуз бұғазындағы жағдайдың қаншалықты күрделі салдарға әкелуі мүмкін екенін толық бағаламағанын іс жүзінде мойындады, деп хабарлайды Orda.kz.        

Бұл туралы ол CBS News телеарнасына берген сұхбатында айтты.

БАҚ өкілдері Нетаньяхудан бұған дейінгі мәліметтерге қатысты пікірін сұрады. Ол жауабында ол әскери операция басталар алдындағы америкалықтармен әңгімесінде Иран басшылығы әлсіреп, Ормуз бұғазын жаба алмайды деп болжағанын айтады.

«Біз мұны дәл есептей алдық деп ойламаймын, бірақ Ормуз бұғазы мәселесі соғыс барысында анық аңғарылды», – деді Нетаньяху. 

Сонымен бірге ол: «Жағдайды мүлде қате түсіндірдік деп айта алмаймын» деп, қазіргі жағдай Иран үшін «өте үлкен тәуекелдер» тудыратынын айтты.

«Мен оқиғаларды мінсіз болжаймын деп айтпаймын, мұны ешкім де істей алмайды. Ирандықтар да», – деп қосты Нетаньяху. 

Оқи отырыңыз:

• Израиль премьер-министрі Биньямин Нетаньяху мәлімдеме жасады
• «Өліп жақсы көремін»: Нетаньяхудың «өлімі» мен алты саусақтың құпиясы
• Иранның БҰҰ-дағы тұрақты өкілдігі Ормуз бұғазы мәселесін шешудің жалғыз жолын атады
• Трамп: Иран Ормуздан өткен АҚШ кемелеріне тиіссе — жер бетінен жойылады