Немересі әжесінің мәйітімен бірге крематорий пешіне секірді

Үндістанның Батыс Бенгалия штатында жантүршігерлік оқиға болды. Набадвип қаласындағы крематорийда 30 жастағы ер адам әжесінің мәйітімен бірге электр пешіне секіріп, ауыр күйік жарақатын алған, деп хабарлайды Orda.kz.       

Крематорий қызметкерлері оны дереу құтқарып, ауруханаға жеткізді. Жергілікті басылым мәліметінше, полиция тергеуді бастаған, алдын ала мәліметтерге сәйкес, ол әжесінің қайтыс болғанын көтере алмаған.

Оқиға сейсенбі күні кешке  марқұмның туыстары мен сол жерде болған адамдар арасында дүрбелең туғызды.

Мәліметтерге сәйкес, қарт әйелдің мәйіті Үндістан мен Бангладеш шекарасына жақын орналасқан Геде ауданынан Набадвип Махашмашан крематорийіне жеткізілген. Денені каталкаға қойып, электр пешіне енгізген сәтте, 30 жастағы немересі кенеттен мәйіттің үстіне шығып, пештің ішіне кіріп кеткен.

Крематорий қызметкерлері мен сол жерде болған адамдар дереу әрекет етіп, оны пештің ішіне толық кіріп кетпей тұрып шығарып алған. Кейін ол ауыр күйік жарақатымен Набадвип ауруханасына жеткізілген.

Полиция оқиға бойынша тергеу жұмыстарын бастады. Алдын ала ақпаратқа сәйкес, ер адам әжесінің өліміне қатты күйзеліп, эмоциялық тұрғыда ауыр қабылдаған. Қазіргі уақытта құқық қорғау органдары оқиғаның нақты мән-жайын анықтау үшін барлық нұсқаларды қарастыруда.

Бастапқы деректер оның бұл әрекетке қатты психологиялық күйзеліс салдарынан барғанын көрсетеді. Дегенмен, полиция әзірге нақты себепті ресми түрде растаған жоқ, тергеу жалғасуда.

Оқи отырыңыз:

• Астанада автосалон жұмысшысы клиенттердің көлігін сатып жіберген
• Үкімет ЖЭО-лардағы жөндеу жұмыстары туралы айтты