Назым Қызайбай Қытайда өткен бокстан Әлем кубогында алтын медаль жеңіп алды

Үш дүркін әлем чемпионы Назым Қызайбай Қытайда өткен бокстан Әлем кубогының екінші кезеңінде алтын медаль иеленді, деп хабарлайды Orda.kz.        

Финалда қазақстандық спортшы италиялық Сирине Чараабимен кездесті. 54 келіге дейінгі салмақ дәрежесіндегі алтын үшін өткен жекпе-жекте Қызайбай Италия өкілі Сирин Шаарабимен қолғап түйістіріп, оны 4:1 есебімен жеңді.

Осылайша, Назым Қызайбай турнирдің алтын жүлдегері атанса, Сирин Шаараби күміс медальмен шектелді.

Бұл жолы Қытайдағы турнирде Қызайбай әдеттегіден ауырлау — 54 келіге дейінгі салмақта өнер көрсетті. Айта кетейік, жарыстың алғашқы кезеңінде ол 2024 жылғы Олимпиаданың тағы бір қола жүлдегері — Оңтүстік Корея өкілі Им Э Джиді айқын басымдықпен жеңген еді.

Ал италиялық Сирин Шаарабидің мансабындағы басты жетістіктерінің қатарында әлем чемпионаттарындағы күміс (2023) және қола (2025) жүлделер бар.

Бұған дейін Назым Қызайбай Қытайдың Гуйян қаласында өткен World Boxing Әлем кубогы кезеңінде жартылай финалға шығып, Қазақстан қоржынына кем дегенде қола медальді қамтамасыз еткен болатын.

Оқи отырыңыз:

• Назым Қызайбай, Нариман Құрбанов және басқа да олимпиада жүлдегерлеріне Алматыда пәтер кілттері табысталды
• Назым Қызайбай үш дүркін әлем чемпионы атанды
• Әлем чемпионаты: Нидерланд Швецияны 5:1 есебімен ұтты