Назым Қызайбай, Нариман Құрбанов және басқа да олимпиада жүлдегерлеріне Алматыда пәтер кілттері табысталды

2 мамырда Париждегі Олимпиада ойындарының бес жүлдегері Алматыдан пәтер кілтін алды, деп хабарлайды Orda.kz.       

Алматы әкімдігінің баспасөз қызметі хабарлағандай, жаңа пәтерлерге бес спортшы ие болды. Олардың ішінде:

• Спорттық гимнастикадан Олимпиаданың күміс жүлдегері Нариман Құрбановқа – екі бөлмелі пәтер сыйға тартылды;
• Қола жүлдегерлер - боксшы Назым Қызайбай мен атқыш Ислам Сәтпаевқа сыйлық ретінде бір бөлмелі пәтер берілді.
• Қола жүлдегерлер - дзюдошы Ғұсман Қырғызбаев пен пневматикалық винтовкадан ату шебері Александра Ле қазіргі уақытта жарыста. Олардың пәтерлерінің кілттері кейінірек беріледі.

«Олимпиада жүлдегерлеріне тұрғын үй сертификаттары 2024 жылдың тамыз айында берілді. Осы уақыт аралығында алдымен пәтерлер заңдастырылып, содан кейін әрлеу жұмыстары жүргізілді» деп жазылған  хабарламада. 

Сондай-ақ, 2 мамырда қазақстандық теннисші Жібек Құламбаева Германиядағы жұптық ойындардың финалына жолдама алды.