Әлем чемпионаты: Нидерланд Швецияны 5:1 есебімен ұтты

Нидерланд пен Швеция құрамалары арасындағы 2026 жылғы футболдан әлем чемпионаты матчында есеп 5:1 болып, нидерландтықтардың ірі жеңісімен аяқталды, деп хабарлайды Orda.kz.       

F тобының екінші турындағы кездесу Хьюстон қаласында өтті. Нидерланд құрамасы қарсыласын ірі есеппен жеңді.

Брайан Бробби мен Коди Гакпо дубль авторы атанса, тағы бір голды Крисенсио Саммервилл соқты. Швеция құрамасының жалғыз голын Энтони Эланга енгізді.

Бұл жеңіс нидерландтықтарға алғашқы жеңістерін сыйлап, төрт ұпаймен топ көшбасына шығуға мүмкіндік берді. Үш ұпайы бар шведтер екінші орында тұр.

Жапония құрамасының еншісінде бір ұпай болса, Тунис құрамасы әзірге ұпай жинай алған жоқ. Бұл екі команда екінші тур аясында өзара кездеседі.

Оқи отырыңыз:

• Әлем чемпионатында Бразилия құрамасы Гаитиді ойсырата жеңді — есеп: 3:0
• Ақ жол, Дастан! — «Қайрат» Сәтбаевты «Челсиге» шығарып салды