Мысығын бір сағат бойы кір машинасында «жуған» әйел жазаланды

Семей тұрғыны мысығын бір сағат бойы кір машинасында «жуып» өлтіріп алғаны үшін айыппұл төлейтін болды. Ең бастысы — әйел әлеуметтік желіге мысықтың өлі денесі бейнеленген видеоны өзі жариялаған, деп хабарлайды Orda.kz.      

Бишара мысық кір жуғыш машинада бір сағат бойы айналған.  Бұл кадрлар қазақстандықтардың ашуын туғызып, неше түрлі жазба қалдыруға себеп болды.

Қала тұрғынының айтуынша, мысықты кір жуғыш машинаға оның кәмелетке толмаған ұлы салып жіберген болуы мүмкін, ал өзі оны байқамай, бір сағаттық жуу режимін қосып қойған. Сонымен қатар әйел баласының үй жануарын бұрын мұздатқышқа да тығып қойғанын айтқан.

Оқиға желіде тез таралып кетті. Көптеген интернет қолданушылар бұл жағдайға ашуланып, ақыл айта бастады. Аймақтық полиция да бұл жағдайға пікір білдірді. Олар бұл оқиғаның абайсызда болғанын атап өтті.

«Аталған факті бойынша 2026 жылғы 19 сәуірде үй жануарының иесі жануарларға жауапкершілікпен қарамай, ҚР заңнамасын бұзғаны үшін әкімшілік жауапкершілікке тартылды. Қолданыстағы заңнамаға сәйкес оған 10 АЕК (43 250 теңге) көлемінде айыппұл салынды» деп жазылған полиция хабарламасында. 

Оқи отырыңыз: 

• Сегіз бала көз жұмды: АҚШ-та ер адам туыстарының балаларын қырып салды
• Болгариядағы парламенттік сайлауда экс-президенттің партиясы жеңіске жетті
• Жетісу облысында болған жол апатынан 11 адам ауруханаға түсті