Моджтаба Хаменеи бұйрық шығарды: Иран уранын шетелге бермейтін болды
Фото: Ашық дереккөзден
Моджтаба Хаменеи қару жасауға жақын деңгейде байытылған уранды шетелге шығармау туралы бұйрық шығарды, деп хабарлайды Orda.kz шетелдік ақпарат көздеріне сүйеніп.
Бұл — Тегеран ұстанымының қатайғанын білдіретін АҚШ-тың негізгі талаптарының біріне қарсы қадам. Сарапшылардың пікірінше, бұл АҚШ, Израиль және Иран арасындағы соғысты тоқтату жөніндегі келіссөздерді қиындатуы мүмкін.
Reuters-тің израильдік дереккөздерінің мәліметінше, Дональд Трамп Израиль билігіне ядролық қару жасауға қажетті жоғары деңгейде байытылған ирандық уран қоры елден шығарылатынына кепілдік берген. Сондай-ақ кез келген бейбіт келісімде осы талап қамтылатынын айтқан.
Биньямин Нетаньяху соғыс уран елден әкетілмейінше аяқталды деп есептемейтінін мәлімдеген.
«Жоғарғы көшбасшының директивасы мен билік ішіндегі ортақ ұстаным — байытылған уран қоры елден шығарылмауы тиіс», — деді ирандық дереккөз.
Тегеран билігінің пікірінше, материалдарды шетелге жіберу Иран елін болашақта АҚШ пен Израиль тарабынан жасалуы мүмкін шабуылдарға осал етеді. Ал Моджтаба Хаменеи мемлекеттегі ең маңызды мәселелер бойынша соңғы шешімді қабылдайды.
«Президент Трамп АҚШ-тың «қызыл сызықтарын» нақты белгіледі және Америка халқының мүддесі бірінші орында болған жағдайда ғана келісім жасайды», — деді Ақ үй өкілі Оливия Уэйлс.
Тегеран билігі ұрыс қимылдарындағы үзілісті АҚШ-тың тактикалық амалы деп күдіктенеді. Иранның бас келіссөз жүргізушісі Мохаммад-Багер Галибаф сәрсенбі күні «қарсы тараптың ашық және жасырын әрекеттері» америкалықтардың жаңа соққыларға дайындалып жатқанын көрсететінін айтты.
Дональд Трамп сәрсенбі күні АҚШ-тың Тегеранға қарсы шабуылдарды жалғастыруға дайын екенін, бірақ «дұрыс жауап алу» үшін бірнеше күн күте алатынын мәлімдеді.
Еске салсақ, екі күн бұрын Иран билігі байытылған уранды АҚШ-қа емес, Ресейге беру нұсқасын қарастырып жатқанын мәлімдеді, алайда олардың арнайы шарттары бар. Бұл туралы Тегеран Вашингтонмен қақтығысты реттеу жөніндегі қайта қаралған келісім жобасында айтылған.
Иран пысықтаған құжатта ислам республикасы «белгілі бір шарттармен байытылған уранды АҚШ-тың орнына Ресейге беруге дайын» екені көрсетілген.
Оқи отырыңыз:
Жаңалықтар
- Мемлекет басшысы Қасым-Жомарт Тоқаев: Тағдыршешті сәтте әр адамның дауысы маңызды
- Қазақстанда медицина саласы цифрландырылып жатыр: Негізгі нәтиже қандай?
- Магистратура бойынша грант иегерлерінің тізімі қашан шығады?
- Астанада 350 үлескер 5 жыл күткен баспанасына прокуратураның араласуымен ғана қол жеткізді
- Қыркүйекте Қазақстанда не өзгереді?: Қазақстандықтарды күтіп тұрған 7 жаңалық
- Kanye West концерті Алматыға 5 млрд теңге пайда әкелді
- Бас прокуратура қазақстандықтарға үндеу жасады
- Қазақстандықтар Кореяға EPS арқылы қалай жұмысқа орналаса алады? Министірлік талаптарды түсіндірді
- Нақты жобалар 2030-2040 жылдарға қалады: Алматының Бас жоспары қашан бекітіледі?
- Бүгін Құрылтай сайлауы алдындағы үгіт-насихат жұмыстары аяқталады: Ертең — «тыныштық күні»
- Қазақстанда демалыс күндері жаңбырлы болады
- Қарағандыда полиция TikTok-та «қыз болып» қылымсыған еркекті ұстады
- Ақтастағы психиатриялық ауруханада тексеру жүргізіліп заңбұзушылықтар анықталды
- «Құрылтай» есімі сәнге айнала ма? Әзірге 10 адам бар
- Алматыда күйеу баласы енесін зорлады деген күдікке ілікті
- Автобуста төбелесіп, пышақ шығарған
- 290 миллион теңге салық: Қылмыскер Ресей Федерациясынан экстрадицияланды
- «Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?
- Алматы мен Гонконг арасында жаңа тікелей әуе рейсі ашылады
- «Резеңке пәтерлердің» кесірі: Алматыда пәтерге тіркелетін тұрғындар санына шектеу қойылады
