Мектепке жөндеу жүргізілмесе де 78 млн теңге төлеген шенеуніктер жазаланды

Жамбыл облысында мектепті жөндеу барысында бюджет қаражатын мақсатсыз пайдалану деректері анықталды, деп хабарлайды Orda.kz өңір прокуратурасына сілтеме жасап. 

Ведомство ресми сайтында Тұрар Рысқұлов ауданы прокуратурасы бюджет қаражатының жұмсалу заңдылығына талдау жүргізгені айтылған.

«Анықталғандай, Қаныш Сәтбаев атындағы орта мектепке күрделі жөндеу жүргізу кезінде мердігер ұйымға нақты орындалмаған жұмыстар үшін негізсіз 78 млн теңгеден астам қаражат төленген.
Прокурорлық қадағалау актісі бойынша аталған қаражат бюджетке қайтарылды»,  деп мәлімдеді қадағалау органы. 

Тапсырыс беруші ретінде аудандық білім бөлімі, мердігер ұйым, сондай-ақ авторлық және техникалық қадағалауды жүзеге асырған тұлғалар Әкімшілік құқық бұзушылық туралы кодекстің 317-бабы бойынша әкімшілік жауапкершілікке тартылып, жалпы сомасы 1,4 млн теңге айыппұл салынды.

Қабылданған шаралар нәтижесінде мердігер барлық жұмысты толық әрі белгіленген мерзімде аяқтап, мектеп пайдалануға берілді.

Оқи отырыңыз:

• 240 мыңнан астам мұғалім ЖИ қолданып үйренді: Тоқаев Сүлейменоваға міндет жүктеді
• Жамбыл облысында 8 жыл бұрын салынған мектеп қирап жатыр
• БҰҰ: Есірткінің жаңа түрлері нарықты жаулап барады