БҰҰ: Есірткінің жаңа түрлері нарықты жаулап барады
Фото: Pexels
Біріккен Ұлттар Ұйымы есірткі саудасындағы жаңа қауіпті үрдістер туралы дабыл қақты. Наркотрафикпен айналысатын топтар заманауи технологияларды және әлемдегі тұрақсыз жағдайды пайдаланып, нарыққа жаңа есірткі түрлерін белсенді түрде шығарып жатыр, деп хабарлайды Orda.kz.
Бұл туралы БҰҰ-ның 2026 жылғы Дүниежүзілік есірткі туралы баяндамасында айтылған.
БҰҰ-ның Есірткі және қылмыс жөніндегі басқармасының (UNODC) атқарушы директоры Моника Джуманың айтуынша, соңғы жылдары бұрын-соңды болмаған көлемде жаңа есірткі түрлері пайда болған. Оның ішінде бұрынғыдан да күшті әрі аса қауіпті заттар бар.
«Біз нарықта жаңа есірткі түрлерінің бұрын-соңды болмаған өсімін көріп отырмыз. Ең алаңдатарлығы — олардың кейбірі бұрынғыдан да қауіпті әрі күшті», — деді Джума.
Оның сөзінше, бұл үрдістің салдары қазірдің өзінде байқалып отыр. Миллиондаған адам мезгілсіз көз жұмып, қоғам денсаулығына орны толмас зиян келуде. Сонымен қатар есірткі айналымы экономикалық процестерді бұзып, тұрақсыздықты күшейтіп, зорлық-зомбылықтың артуына ықпал етеді.
БҰҰ өкілдері ұйымдасқан қылмыстық топтардың қызметін тоқтату бұрынғыдан да өзекті екенін атап өтті. Осыған байланысты алдын алу шараларын күшейту, ақпарат алмасуды арттыру, халықаралық операцияларды үйлестіру және емдеу мен профилактикаға инвестиция көлемін ұлғайту қажет екені айтылды.
Ұйымның бағалауынша, 2024 жылы әлемде 15 пен 64 жас аралығындағы 331 миллион адам есірткі қолданған. Бұл — жаһан халқының 6,2 пайызы. Соңғы он жылда есірткі тұтыну деңгейі 34 пайызға артқан.
Ең көп таралған есірткі ретінде каннабис көш бастап тұр — 2024 жылы оны 256 миллион адам қолданған. Одан кейінгі орындарда опиоидтар (63 млн), амфетаминдер (32 млн), кокаин (25 млн) және экстази (21 млн) бар.
Баяндамада каннабис өндірісі, тасымалы және қолданылуы соңғы жылдары айтарлықтай өзгергені атап өтілген. Бұл кейбір елдерде оны заңдастыру немесе қылмыстық жауапкершіліктен босату саясатымен байланысты болуы мүмкін. Соңғы он жылда каннабис қолданушылар саны 40 пайызға өсіп, 2024 жылы тәркіленген көлемі тарихи ең жоғары деңгейге жеткен.
Сонымен қатар заңсыз зат өндірушілер құқық қорғау органдарын айналып өту үшін жаңа синтетикалық есірткі түрлерін ойлап табуды жалғастырып жатыр. 2024 жылы тәркіленген есірткі түрлерінің саны 2000 жылдарға дейінгі кезеңмен салыстырғанда бес есе артқан.
Бұл деректер әлемдік қауымдастық үшін есірткіге қарсы күресті күшейтудің маңыздылығын тағы бір мәрте көрсетіп отыр.
Оқи отырыңыз:
Жаңалықтар
- Нұрай Серікбайдың өлімі: Прокурор күдіктіге өмір бойына бас бостандығынан айыру жазасын сұрады
- Иранның қастандық жасау қаупіне байланысты Трамп ұшағын ауыстыруға мәжбүр болды
- Бір серіктестіктің алты бірдей жұмысшысы құдыққа түсіп қаза тапқан: Полиция үш адамды ұстады
- Бала ауыр халде: Футбол алаңында төтенше жағдай болды
- Сирияның бұрынғы президенті Башар Асад сырттай өлім жазасына кесілді
- Алматыда күйеуін өлтірген әйел сотта ақталды
- Прокуратура талабымен: Атырау облысында полицейлерді соққыға жығып, бостандықта жүргендер сотталды
- Аичи-Нагоя-2026: Азия ойындарының медальдары таныстырылды
- Қытайлық ғарыш миссиясы сәтсіз аяқталды: Зымыран тасығыш 90 секундта жарылып кетті
- Медициналық сақтандыру қорынан 3,5 млрд теңгеден астам қаржы ұрланған
- Ақсайда түнгі клубта жаға жыртысқандар жазаланды
- «Крыша боламын» деп 30 млн теңге талап еткен ММА жаттықтырушысы ұсталды
- Парсы шығанағында тұрып қалған кемелер әлемді экологиялық апатқа ұшырата ма?
- Бесағашта мас ер адам көшеде қыздарға бейәдеп ұсыныс жасаған
- Астанада полиция қызметкері кәмпитке қақалған баланың өмірін құтқарды
- Елден жаппай ақша алып қашып жатқандар кім? ҰҚК мәлімдеме жасады
- Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды
- Өз тойына келе алмаған жұптың тойы экран арқылы өтті
- Үйлену тойында пышақтап өлтірген: Ақтөбе облысындағы сұмдық жайт
- Қазақстанда жол ережесін бұзатындарға тұзақ көбейді: Дрон, камера және лазер іске қосылды
