Мексикадағы пирамида маңында атыс болды: Екі адам қаза тапты

Мексикадағы әйгілі Теотиуакан маңында болған қарулы шабуыл кезінде бір адам қаза тауып, бірнеше турист жараланды, деп хабарлайды Orda.kz.

Ел билігінің мәліметінше, оқиға салдарынан 32 жастағы Канада азаматы қаза тапқан. Шабуыл жасаған ер адам кейін өз-өзіне қол cалды. Куәгерлер түсірген видеоларда қаруланған адамның пирамидалардың бірінің төбесінен оқ атқаны байқалады.

Мексика президенті Клаудия Шейнбаум Канада елшілігімен байланыста екенін айтып, қайғылы жағдайға көңіл айтты. Оның сөзінше, бұл оқиға ел үшін ауыр соққы болған.

Еске сала кетейік, Мексика армиясы жүргізген операция барысында Немесио Рубен Осегера Сервантес, «Эль Менчо» деген атпен танымал , Халиско («Жаңа буын») картелі жетекшісінің көзі жойылды.  Қорғаныс министрлігінің мәлімдеуінше, ең ірі есірткі ұйымының жетекшісі Тапальпа қаласы маңында болған атыс кезінде жараланып, ауруханаға барар жолда көз жұмған.

Оқи отырыңыз:

• Келесі кезекте — Мексика: Трамп есірткі картельдеріне қарсы күш қолдану операциясы туралы айтты
• Мас ер адам Мексика президентінің бетінен сүйіп, төсінен ұстауға тырысты
• Мексика Әскери-теңіз күштерінің оқу-жаттығу кемесі Нью-Йоркте Бруклин көпіріне соғылды