Мексика Әскери-теңіз күштерінің оқу-жаттығу кемесі Нью-Йоркте Бруклин көпіріне соғылды

22 адам жарақат алды, олардың төртеуі ауыр жағдайда, деп хабарлайды Orda.kz әлемдік БАҚ-қа сілтеме жасай отырып.

Мексика Әскери-теңіз күштерінің оқу-жаттығу кемесі көпір құрылымына тым биік діңгектерімен соғылды, олардың біреуінің сынығы палубаға түсті. Атақты көпірге зақым келген жоқ.

Мексикалық желкенді кеме Нью-Йоркке апта басында, «достық пен бейбітшілік миссиясымен» әлем бойынша саяхат барысында мерекелік сапармен келген.

Соқтығысу кезінде бортта 200-ден астам адам болған, қазір оқиға орнында құтқару операциясы жүріп жатыр.

Бұған дейін  АҚШ-тың Кентукки және Миссури штаттарына торнадо жүріп, кемінде 14 адам қаза тапқан болатын.