Маңғыстауда жасөспірім қызды бірнеше адам жабылып ұрып-соққан

Маңғыстау облысында кәмелетке толмаған қызды бірнеше жасөспірім жабылып ұрған. Оқиға түсірілген видео әлеуметтік желілерде тарады, деп хабарлайды Orda.kz.

Кадрларда қыздың тізерлеуге мәжбүр болғаны, кейін оған бірнеше жасөспірімнің жабылып, соққыға жыққаны көрінеді. Полиция оқиғаға қатысушылардың барлығын анықтап, оларды ата-аналарымен бірге полиция бөліміне жеткізді.

«Полиция қызметкерлері кәмелетке толмағандармен және олардың заңды өкілдерімен профилактикалық әңгіме жүргізді. Оқиғаның мән-жайы жан-жақты зерттеліп, қажетті материалдар мен түсініктемелер жиналды»,  деп хабарлады полиция.

Тексеру қорытындысы бойынша жасөспірімдердің ата-аналары балаларды тәрбиелеу және оқыту жөніндегі міндеттерін тиісінше орындамағаны үшін әкімшілік жауапкершілікке тартылды. Іс материалдары сотқа жолданды.

Сонымен қатар материалдар кәмелетке толмағандардың істері жөніндегі комиссияның қарауына жіберілді. Жасөспірімдер профилактикалық есепке қойылды. Олармен және олардың отбасыларымен профилактикалық жұмыс жалғастырылады.

Оқи отырыңыз:

• Тоқаев Құрылтайдың басты міндеттерін атады
• Тоқаев: Қыркүйектің екінші жартысында Халық Кеңесі жасақталады