Тоқаев: Қыркүйектің екінші жартысында Халық Кеңесі жасақталады

Президент Қасым-Жомарт Тоқаев қыркүйектің екінші жартысында Халық Кеңесі жасақталатынын мәлімдеді, деп хабарлайды Orda.kz. 

Мемлекет басшысының айтуынша, бұл Қазақстан тарихындағы тұңғыш жоғары консультативтік орган болады.

«Бұл – Қазақстан тарихындағы тұңғыш жоғары консультативтік орган. Еліміздің этникалық, аймақтық, әлеуметтік, қоғамдық-саяси ерекшеліктерін бір арнаға тоғыстыратын жаңа құрылым заңнамалық бастама көтеру құқығына ие болады. Шын мәнінде, бұл – бірегей орган»,  деді президент.

Тоқаевтың айтуынша, Халық Кеңесі елдегі түрлі қоғамдық топтардың мүддесін бір арнаға тоғыстыруға мүмкіндік береді. Президент биліктің негізгі институттары қысқа мерзім ішінде жаңғыртылып, алдағы реформаларға жаңа серпін беретінін атап өтті.

«Осылайша, қысқа уақыттың ішінде биліктің барлық негізгі институттары жаңғырып, алдағы реформаларға тың серпін береді», – деді Қасым-Жомарт Тоқаев. 

Оқи отырыңыз:  

Тоқаев Құрылтайдың басты міндеттерін атады

Тоқаев Құрылтай спикері қызметіне Айбек Дәдебайды ұсынды