Маңғыстауда бұрғылау жұмыстарына қатысты 474 млн теңге айыппұл салынды

Маңғыстауда бұрғылау жұмыстары кезінде экологиялық заңбұзушылықтар анықталып, 474 млн теңге айыппұл салынды, деп хабарлайды Orda.kz.       
 
Маңғыстау облысының табиғат қорғау прокуратурасы экологиялық заңнаманың елеулі бұзушылықтарын анықтады.
 
Атап айтқанда, «Buzachi Operating Ltd» компаниясының филиалы бұрғылау жұмыстарын жүргізу барысында қауіпті қалдықтарды жинақтау лимитін айтарлықтай арттырған (бұрғылау қалдықтарының көлемі 513,2 тоннаға артық болған).
 
Прокуратура актісінің негізінде аталған компания Әкімшілік құқық бұзушылық туралы кодекстің 328-бабының 6-бөлігімен әкімшілік жауаптылыққа тартылып, 474 млн теңге көлемінде айыппұл салынды.

Оқи отырыңыз:

• Маңғыстауда жауған нөсер мен дауылдан жүздеген жылқы қырылды, ұсақ мал да бар
• Маңғыстау облысында қатты нөсер мен дауылдан үйлерді су алып, шатырлар ұшты
• Маңғыстау облысында есірткі жеткізумен айналысқан қылмыстық топ құрықталды