Маңғыстау облысында оқушылар мініп алып, соңғы қоңырауды тойлатып жүрген көлік апатқа ұшырады

Оқиға Жаңаөзенде 23 мамырда оқу жылының аяқталуына орайластырылған мерекелік шеру кезінде болды, деп хабарлайды Orda.kz.

Полицияның мәліметінше, апатқа үш автокөліктің: Toyota Hilux, Toyota Land Cruiser 100 және Lexus LX 450 қатысы бар.

«Toyota Hilux» көлігінің жүргізушісі Land Cruiser 100 көлігін басып озуға тырысты. Маневр кезінде ол жол жиегіне шығып, жол талғамайтын көлікті қағып кетті. Соққыдан Land Cruiser инерция бойынша Lexus LX 450-мен соқтығысқан. Нәтижесінде пикап жолдан шығып кетті» деп жазылған Instagram-да жарияланған ресми хабарламада. 

Түлектер Lexus LX 450 автокөлігінде болған. Кездейсоқ апаттан ешкім зардап шеккен жоқ.

Toyota Hilux жүргізушісіне ҚР ӘҚБтК-нің 610-бабы - «Көлік құралдарының зақымдануына немесе денсаулыққа зиян келтіруге әкеп соққан жол қозғалысы ережелерін бұзу» бойынша әкімшілік хаттама толтырылды.

Тәртіп бұзушының автокөлігі айыппұл тұрағына жіберілді.

23 және 24 мамырда Қазақстанның барлық мектептерінде 11-сынып түлектеріне арналған салтанатты іс-шаралар өтіп жатыр.

Бүгін елімізде соңғы қоңырауға қатысты салтанатты іс-шаралар өтіп жатыр,  осы соңғы қоңырау шараларына байланысты Алматы полициясы күшейтілген тәртіпке көшті.