Алматы полициясы күшейтілген тәртіпке көшті

Алматы полициясы күшейтілген қызмет көрсетуге көшірілді, деп хабарлайды Orda.kz.

Бұл туралы жергілікті полиция департаменті хабарлады. Күшейтілу жағдайы қала мектептерінде өтіп жатқан соңғы қоңырауға байланысты.

«Мыңдаған тәртіп сақшылары қаланың 216 жалпы білім беретін оқу орнында қоғамдық тәртіп пен қауіпсіздікті қамтамасыз етеді. Оқушылардың қауіпсіздігі - біздің басымдығымыз. Қоғамдық тәртіпті қамтамасыз ету және құқық бұзушылықтың алдын алу мақсатында мыңға жуық полиция қызметкерлері, оның ішінде ювеналды, патрульдік, криминалдық полиция қызметкерлері, сондай-ақ учаскелік инспекторлар қатыстырылды» деп жазылған департамент хабарламасында. 

Балалардың жеке қауіпсіздігіне де, мектеп маңында және түлектердің жүру бағыттарында жол қозғалысы ережелерін сақтауға да ерекше назар аударылды.

Департамент ата-аналарды және мерекеге қатысушыларды ұқыпты болуға, ережелерді сақтауға және балаларға қауіп төндірмеуге шақырды.

Хабарламада айтылғандай, қаланың негізгі алаңдарында, саябақтарда, скверлерде және азаматтардың жаппай демалу орындарында полицияның кешенді күштерінің қосымша нарядтары бақылауды күшейтті.